Russit Qalasersuarmut annaassiniariartorput

Russit sikusiutaat atomip nukinganik ingerlatilik Murmanskimit Qalasersuup tungaanut maanna ingerlaarpoq, nalinginnaanngitsumik annaassiniariartorluni.
Allattoq Elisa Isaksen
maajip 18-at 2010 13:37

Russit ilisimatusarfiat, ilisimatuunik 15-inik qimminillu marlunnik issimasulik ajornartorsiulersimasoq, aviisimi The Barents Observer-imi allaaserineqarpoq.

Ilisimatusarfik North Pole-37-mik taaguutilik sikumi angisuumi tissukartumiippoq, aggulernissaalu annilaanngatigineqarmat isumannaatsuunissaq aarlerinartorsiortinneqarluni.

Russit issittumi ilisimatusarfiannik pingajussaanik annaassiniartoqartariaqalerpoq, ilisimatusarfillu North-Pole siorna septembarimi pilersinneqartoq annaanniartariaqalersimavoq.

Sikutarujussuaq ilisimatusarfiup issimaffigisaa 6 kilometerinik takissuseqarpoq 5 kilometerinillu silissuseqarluni, taamalu 30 kvadratkilometeriulluni. Sikutarsuit tissukartut Ruslandip ilisimatusarfittut ukiorpassuarni atortarpai.

Taamaalilluni ilisimatusarfik tissukartoq siulleq 1937-mi pilersinneqarsimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq