Ruslandi qalasersuarmut ilisimasassarsioqqinniarpoq. Qulakkeerlugu paaserusuppaat, issittup imartaani uuliamik gassimillu pisuussutit oqartussaaffigilersinnaanerlugit, taama russit issittumut ilisimasassarsiortut oqaaseqartitaat tusagassiuutinut nalunaarpoq.
Ruslandi sapaatip-akunnerani kingullermi nunarsuarmi tupaallatsitsivoq, Qalasersuarmi russit erfalasuliipput.
Russit ilisimasassarsiornerat tulleq novembarimi aallartittussaq, immap naqqani misiligutinik tigooqqaanissamik siunertaqassaaq, taamaalilluni immap naqqani nuna, Ruslandip nunavittaanut ilaanersoq paasiniarneqassalluni.
Norge, Canada, USA Danmarkilu nunarput sinnerlugu, tamarmik immikkut oqartareerput, Qalasersuaq namminneq nunaminnut atasoq, taamaattumillu nunartik uuliamik gassimillu qalluisoqalissagaluarpat piginnittuussasoq.
Qalasersuup nunamut sumorpiaq atanera Naalagaaffiit Peqatigiit siusinnerpaamik ukiut pingasut qaangiuppata aalajangiiffigisinnaavaat.
