Russit præsidentiat Danmarkimut ullumi tikippoq
Medvedev ulluni marlunni Danmarkimi pisortatigoortumik tikeraarnermini suliassaqarluarnini takorlooreersinnaavaa - tikeraarneralu nunat marluk taakkua akornanni pissutsinik pitsanngortitsisinnaasoq erseqqissumik malunnaateqarluni.
Unnugu præsidenti illussaarsuarmi Fredensborgimi dronningimik nerersuaqateqassaaq, pingasunngornerlu ilaatigut ministeriunermik Lars Løkke Rasmussenimik (V)naalakkersuinikkut oqaloqatiginniffiussalluni.
Løkke Medvedevilu aqagu aammattaaq inuussutissarsiorneq pillugu ataatsimeersuarnermi ilaatigut Dansk Industrimit aaqqissuunneqartumi ataatsimeeqataassapput, tamatumani russit qallunaallu inuussutissarsiornermik suliallit ministerillu peqataassallutik.
Ataatsimeersuarnermi nukissiuuteqarneq, nerisat nunalerinerlu kiisalu angallassineq aningaasaliissutillu qulequtarineqassapput, ilimagineqarporlu qallunaat russillu suliffeqarfiisa akornanni arlalinnik isumaqatigiissuteqartoqarumaartoq.
Ruslandip præsidentiata ullut tamaasa Danmark aqqusaarneq ajorpaa. Medvedevilu tassaalluni siullerpaajulluni taamatut tikeraartoq, 1964-imilimi taamanikkut Sovjetunionip pisortaata Nikita Khrusjtjovip København tikeraarmagu.
2002-mi taamanikkut Ruslandip præsidentiata Vladimir Putinip pisortatigoortumik tikeraarnissi taamaatiinnarpaa. Danmarkip Tjetjenia pillugu nunarsuaq tamakkerlugu ataatsimeersuartitsinissaa taassuma kamaatigaa peqatigitillugulu Tjetjeniami immikkoorniat siulersortaata Akhmed Skajevip tunniunneqarnissaa itigartillugu.
Taamanikkumiilli qallunaat Ruslandimut attaveqarnerat pitsaanerulersimavoq.
