Russit nunatsinnut unammillerput
Immap naqqa qalasersuarmi avannarlermiittoq, Russinit pigineqarnera uppernarsiniarlugu Russit sikusiutaat ”Rossija” qalasersuarmut avannarlermut ingerlaarpoq.
Immap naqqa tassaniittoq, gassinik uulianillu peqarnera ilimagineqarpoq, taamaasillunilu russit kalaallinut Danmarkimullu unammillilerpoq.
Russit sikusiutaat ilisimatuunik Ruslandimeersunik, Tysklandimeersunik USA-meersunillu ilaasoqarpoq, taakkualu paasisaat aalajangiisoqaataajumaarpoq, tassa Naalagaaffiit peqatigiini, immat atorneqarneri pillugit aalajangiisartuisa tamanna aalajangerumaarpaat, taama aviisi Ingeniøren allappoq.
Immat atorneqarnerat pillugu isumaqatigiissut Ruslandimit 1997-imi atortussanngortutut naalakkersuisut qullersaasut akueraat, ukiullu qulit ingerlasimatinnagit Russit piumasaqaatitik saqqummiuttussaallugit. Isumaqatigiissut taanna 2004-mi Danmarkip atortussanngortippaa, 2014-iutinnagulu piumasaqaatini saqqummiuttussaassallugit.
Killeqarfiit inatsisilerituunit naggataatigut aalangerneqarumaarput, isumaqatigiinngissutaasullu nunat tamat akornanni eqqartuussivimmi Tysklandimi Hamburgimiittumi, imaluunniit nunat tamat akornanni eqqartuussivimmi Hollandimi Haag-imiittumi aalajangiiffiujumaarput.
