Russit maanna qunusaarilerput

Raketsinut igeriuttakkanut illersuutissatut Amerikamiut Tjekkiami radarimik inissiiniarnerat, USA-p Tjekkiallu ullumi isumaqatigiissutigisimatsiaannaraat, Rusland akerliulluni sakkulersorniarlunilu qunusaarivoq.
Allattoq Elisa Isaksen
juulip 08-at 2008 17:12

Russit nunanut allanut ministereeriaqarfianit nalunaarutigineqarpoq, isumaqatigiissut Tjekkiami inatsisartunit taperserneqarpat naalakkersuinikkut ileqqorissaarneq pinnagu sakkulersornikkulli iliuuseqartariaqalissallutik.

Radari Tjekkiami inissinniarneqartoq Polenimi illersornissaq anguniarlugu raketsiutigineqartunut tapertaasussaavoq, Russilli pilersaarutinut isumaqataanatik nalunaartuarnikuugaluartut maanna sakkulersornissamik qunusaarinerat qisuariarneruvoq pisarnermit sakkortusaarnerujussuaq.

Raketsinut igeriuttakkanut illersuusiorniarneq Tjekkiamiut 68 procentiisa akerlerigaat 24 procentiisalu tapersersoraat ungasinngitsukkut isumasiuinerup ersersippaa.

Amerikamiut præsidentiata, George W. Buship nunatut akeqqamittut taasaanit USA-p Europamilu iligisamik raketsinik igeriuttakkanik saassunneqarnissaannut illersuutissatut pilersaarutit piareersaatigaat. USA-mi naalakkersuisut pilersaarutit 2011-miit 2013-ip tungaanut piviusunngortinneqarnissaat siunniussimavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq