Russit kilisaataat Savalimmiuni kivisoq

Russit kilisaataassuat Savalimmiuni Kalbak-ip kangerluarni ikkarloqarfioqisumi ippassaq unnukkut ikkarlinnermi kingunerisaanik ullaaq kivivoq.

Umiarsuit arlallit, soorlu sakkutuut alapernaarsuutaat Triton – ippassarli annaassiniaqataagaluarput, iluatsinngitsumik. Kilisaatip usiata ilaa uulia 15 tonsi maannamut aniareersimasoq, Ritzau allappoq.

Russit kilisaataataata inuttaasa ilai 34-t unnuaq umiarsuarnut allanut ikineqarput, sinnerilu qulingiluat kilisaassuaq annaanneqarsinnaanngitsoq nalunarunnaarmat ullaaq qimattariaqarsimavaat.

Russit kilisaataat, Olshana, ippassaq unnukkut arfineq-pingasunngulersoq ajunaalernerminik kalerrisaarivoq, ikkarlilluni immalernerarluni.

Ullaaq kiviartornera assut sukkasimasoq isiginnittut oqaatigaat.

- Minutsialunnguit ingerlanerinnaani kivivoq, maannalu immap naqqani 70 meterisut ititigisumiilerpoq, oqarput.

Kilisaatip orsussaa 270 tonsiusimavoq, qanorlu sinneruttup pinissaa nalunarallarpoq.