Russit kalaallillu aalisagartassatigut isumaqatigiipput
decembarip 13-at 2005 05:24
Aalisarnermut Piniarnermullu Pisortaqarfiup, nunatta Rusland-illu akornanni aalisarneq pillugu 2006-imi isumaqatigiissutissaq naammasseqqammerpaa.
Isumaqatigiinniarnerit Danmarkimi ingerlanneqarput tassanilu nunarput Russit imartaani Barentshavimi saarullinnik siorna pisassiisutigineqartut amerlaqataannik, tassalu 3.500 tonsinik pisassinneqarpoq.
Russit aalisartui Tunumi suluppaakkanik 3.550 tonsinik, qaleralinnillu 700 tonsinik pisassinneqarput, nunatta kujasinnerusortaani qaleralinnik 1.275 tonsinik, kiisalu avanaani 575 tonsinik aamma pisaqarsinnaatitaassasut isumaqatigiissutigineqarluni.
Isumaqatigiissutigineqartut atorfilittanit ingerlanneqartut Naalakkersuisunit akuersissutigineqaqqaartussaapput.
