Berlinimi katsorsarneqarnini iluatsilluarsimagaa Ruslandimullu uternissamut maanna piffissanngortoq, Navalnyj Twitterikkut allappoq.Assi: Michał Siergiejevicz/flickr

Russit illuatungiliuttut siuttuat Ruslandimut utilersaartoq

Aleksej Navalnyj-p toqunartutortinneqarluni toqoriaraluarneqareernermini Tysklandimi katsorsartereerluni angerlarnissamut piffissanngornerarpaa.

Ruslandimi illuatungiliuttut siuttuata Aleksej Navalnyj-p Ruslandimut sapaatiuppat uternissani pilersaarutigaa. Navalnyj novichokimik taaguutilimmik toqunartutortinneqarluni siorna toqoriaraluarneqarpoq.

Navalnyj Twitterikkut taama allappoq.

Ruslandimi isertortumik paasiniaasartut toqutseriartuusimanissaat ilimagineqarpoq, Ruslandimili naalakkersuisut pasilliutit ilumuunnginnerarpaat. Nutaarsiassaqartitsivik Ritzau taama allappoq.

AAMMA ATUARUK Russit naalakkersuisuisa killitsissiat Navalnyjimut toqunartutortitsisimannginneraraat

Navalnyj timmisartumut ilaalluni sukkanerpaamik Berliniartiliaanneqarpoq, tassani katsorsartikkiartorluni. Ruslandip kangisissuanit timmisartumut ilaalluni Moskvaliartilluni Navalnyj iluaallerpoq.

Berlinimi katsorsarneqarnini iluatsilluarsimagaa Ruslandimullu uternissamut maanna piffissanngortoq, Navalnyj Twitterikkut allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat