Russit 13-it amerikami qinersinermut akuliussimasutut unnerluunneqartut
Russit amerikami qinersisoqarnerani akuliussimanersut misissuiffigineqarnerat immikkut unnerluussisussaatitaasup Robert Muelleip allaffeqarfiani suaarutigineqarmat nutaarsiassaq saqqummerpoq.
Peqatigiinniapilunneq, nittartakkatigut peqquserlunneq, kinaassutsimillu atornerluinerit sakkortuut unnerluussutaapput.
Russit sunniiniaqatigiit suliniaqatigiiffiat isertuulluinnagaasoq "Internet Research Agancy" Skt. Petersborgimiittoq Donald Trumpip USA-mi præsidentitut qinigaanissaa anguniarlugu suliaqarsimasut unnerluussutip allagartaani atuarneqarsinnaavoq.
Suleqataasut ilaat amerikamiusut innuttaassuseqartuusaarluni Donald Trumpip qineqqusaarnerani sulisut ilaat attaveqarfigisarsimaa. Donald Trumpip atorfiliata nalusimavaa kina attaveqaqatiginerlugu.
Russit nunanut allanut tunngasunut oqaaseqartartuata Maria Zakharovap russinut 13-inut unnerluussineq "uppernanngilluinnartutut" oqaasertalerpaa.