Russip Kulusummi ujaarineqartup ujarneqarnera aappassaanik unitsinneqarpoq
Nassaarineqarnissaa naatsorsutigisinnaajunaarparput, taamaattumillu ujarneqarnera unitsillutigu, politimesterip tullersortaa Morten Nielsen oqarpoq.
Ujaarineqartup Adel Borisovip ujarneqarnera sisamangormat talimanngormallu nanginneqaraluarpoq, ataasinngornermini takuneqarsimanera nalunaarutigineqarnerata kingorna. Ujaasineq sisamanngormat tallimanngormallu kinguneqanngimmat, ujaasineq maannakkut unitsinneqarpoq. Adel Borisov russit aallartitaqarfianni Franfurt-imiittumi atorfeqarpoq. Danskit nunanut allanut ministereqarfiata Ruslandillu Danmarkimi ambassadeqarfiata, russip ujaarineqarnissaanik piumasaqarneq aallaavigalugu ujaasinerup nanginneqarneranik oqarneq ilumuunnginnerarlugu Morten Nielsen radioaviisimut oqarpoq. Uppernarsaateqanngitsumik tunngavissaqanngitsumillu paasissutissiineq ingasagaara, politimesterip tullersortaa Morten Nielsen oqarpoq.
Danmarkip nunanut allanut ministereqarfia ujaasinerup nanginneqarnissaanik piumasaqarsimaneq ilumuunnginnerarlugu Morten Nielsen oqarpoq.