Russit aalisariutaannit umiartortoq 37-nik ukiulik sapaatiummat annaanneqartariaqarsimavoq.
Umiarsuaq Upernaviup tungaanukartilluni, Aasiaat Radio-a attavigivaa.
Taamaammat Air Greenland Ilulissanit qulimiguulimmik politiinik nakorsanillu ilaasulimmik umiarsuarmut aallartitsisimavoq.
Russeq 37-nik ukiulik umiarsuup qaavani sulitilluni ajutuungaatsiarsimavoq. Niaquata saarnga putusimavoq ilisimajunnaaqqallunilu, Sermitsiaq taama allappoq.
Russeq qulimiguulimmut ikineqareermat umiarsuaq Canada-mut Resolute Bay-imut uterluni aallarpoq.
Qulimiguulik Ilulissanukarpoq, kingusinnerusukkullu russeq Nuummukaanneqarluni.