Norgemi dronenik piffissami kingullerni siumuisoqartarnerani russisut innuttaassusillit arlallit tigusarineqarsimapput.Assi: Scanpix

Russeq drone atorlugu Norge qulavaasimammagu ulluni 90-inik parnaarusassanngortinneqarpoq

Angut Ruslandimeersoq drone atorlugu Norgemi sumiiffinni assigiinnigtsuni 16-ini qulaavaasimasimanini pillugu ulluni 90-ini parnaarussassanngortinneqarpoq.

Angut Ruslandimeersoq, timmisartuaqqamik ungasianit aqunneqarsinnaasumik Norgemi sumiiffinni assigiinngisuni 16-ini oktobarimi timmisartuussisimasutut pasineqarluni Norgemi ulluni 90-ini parnaarussassanngortinneqarpoq.

Ruslandip Ukrainemik saassussinerata kingorna Rusland pillaatitut nunanit tamalaanit iliuuseqarfigineqarpoq, tamannalu ilaatigut pissutaalluni russisut innuttaassusillit timmisartuaqqanik ungasianit aqunneqarsinnaasunik dronenik Norgep silaannartaani atueqqusaanatik.

Eqqartuussisoqarnerata nalaani angut Norgemi tv-qarfimmut NRK-mut oqarpoq pisoq inatsisinut tunnganani politkkimut tunngatinneqartoq.

Angalatitseqatigiiffimmik ulluinnarni aqutsisuulluni oqaatigaa, nunallu 85-it tikissimanerarlugit:

- Pinerluttuliortuunngilanga, inatsisaatsuliornikuunngilanga, angut NRK-mit apersorneqarluni oqarpoq.

Angut 34-nik ukiulik eqartuussivimmi oqarpoq Norgemi malittarisassat inatsisillu ilismasimanagit. Eqqartuussiviulli angutip nassuiaataa upperinngilaa.

Angutip unnerluutigineqartup, russisut innuttaassusillit Norgep avannaani tigusarineqarsimasut pillugit allaaserisanik nassinneqarsimanera eqqartuussinermi tunngavilersuutigineqarpoq.

Norgemi dronenik piffissami kingullerni siumuisoqartarnerani russisut innuttaassusillit arlallit tigusarineqarsimapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl