Ruslandip tuttut 250.000-it toqukkusukkai

Sibiriami tuttut ikilisinneqartariaqassagunarput. Tassami ima amerlavallaalersimapput miltbrandertoqarlunilu.
Allattoq Ritzau
septembarip 30-at 2016 14:28

Tuttut 250.000-it Sibiriami Jamalomi nunap ilaani uumasut ukiuunera angumerinaviarunanngilaat. 

Tassami Ruslandimi ilisimatuut tuttut 250.000-it toqunneqarnissaat siunnersuutigaat. 

Maanna nunap ilaani pineqartumi tuttut 730.000-iusut aviisi Sibirien Times allappoq. 

Amerlavallaarnerarneqarpullu. 

- Tuttut Jamalomi amerlavallaarput. Imminnummi qanippallaaleraangamik nappaatit tuniluutikulanerulersarput tuttullu napparsimakulanerulersarluti, Nikolaj Vlasov uumasut nakorsaanneersoq oqarpoq. 

Taassuma kaammattuutigaa Jamalomi tuttut qanoq amerlatigeqqusaanerat ilisimatussutsikkut killilerneqassasoq. 

Sovjettimmigooq nalaani taamaattoqarsimavoq.

- Taamani tuttut amerlassusiat 300.000-400.000-illu akornanniitsinneqartarpoq. Ullumikkullu 700.000-iullutik. 

Tuttoqarpallaarnera ivigaqassutsikkut ajornartorsiortitsinerata saniatigut miltbrand ajornartorsiutaavoq.

Ritzau