Ruslandip sakkutuuni Georgiamit aniatilerpai
Ruslandimi illersornissamut ministeri Anatolij Serdijukov, russit sakkutuuliussaat Georgiaminngaanniit nunatsinni nalunaaqutaq ualimut marlunut anisikkitik nalunaarutigaat.
Allattoq Najaaraq Egede
aggustip 22-at 2008 17:33
- Russit sakkutuuia anisinnerat pinartoqanngitsumik pivoq, taama Ruslandimi illersornissamut ministeri Kremlimiit illoqarfiit pingaarnersaannit Moskvamiit nalunaarpoq.
Sovjetip ilagisimasaaninngaanniit Georgiaminngaanniit russit anianerat ullup ingerlanerani nalunaarutigineqartuarpoq, Nutaarsiassaqarfilli AP nalunaarpoq, russit sakkutuumik ilaat suli Georgiamiitinniaraat.
Taamaammat aamma USA, Frankrigilu isumaqarput Ruslandip sakkuaakkunnaarnissamik isumaqatigiissut Ruslandip suli eqquutitinngikkaa.
Amerikami præsidenti, George Bush, Frankrigillu Præsidentia, Nicolas Sarkozy, oqarasuaatikkut unnummut oqaluutereerlutik taama nalunaarput.
