Ruslandip Nato issittumit qimaguteqquaa
Taassuma akerleraa illersoqatigiit nunani issittuniinnerat - Nunat issittoqarfinniittut NATO-mit peqataaffigineqanngikkaluarlutik sapinngillat. - Tamassumami pisuussutaat ataatsimoorussaralugit pigaagut, sakkutooqarnermullu attuumassuteqarartik, illoqarfimi Murmanskimi sapaatip akunnerani kingullermi tusagassiortunik katersortitsinermini, Medvedev ilaatigut taama oqarpoq.
- Nunat issittoqarfinniittut akunnerminni eqqissisimasumik suleqatigiipput, tamannalu sakkutooqarnerup innarlersissinnaavaa aammalu sakkutooqarneq apeqqutinik pilersitsisartoq nalunngilarput, Medvedev ilaatigut oqarpoq.
Norgemiut statsministeriat Jens Stoltenberg tusagassiortunik katersortuitsinermi aamma peqataavoq. Taanna oqarpoq, Norgep NATO-mut ilaasortaanerata Ruslandimut suleqatigiissinnaaneq pitsaasoq innarlernavianngikkaa. Taama allapoq aviisi The Barents Observer.
