Ruslandip avannaatigut kangimut danskit umiarsuarmik angalaniarput

Danskit umiarsuaatileqatigiiffiata Tornip umiarsuit pisiatik nutaat issittumi angalanissaannut sikusiorsinnaasunngorlugit sanatitaat, Ruslandip kangimut avannaatigut kimmut Skandinaviap avannaata tungaanut angalanissaannut piareersaleruttorpaat, aviisi Ingeniøren taamatut allaaserisaqarpoq.
septembarip 04-at 2009 10:57

Umiarsuit aqqutaat taanna ingerlaarfigalugu, Aasiami umiarsuarnut ingerlaarfik isorartooq 7.500 kilometerinik isortartutigisoq pinngitsoorneqarsinnaavoq.

Tyskit umiarsuaatileqatigiiffiata Belugap umiarsuaatai marluk sapaatip akunnerani kingullermi aqqut taanna kangimut aqqut atorlugu angalapput, umiarsuit tunisassianik nalinginnaasunik useqarlutik ingerlaarput.

Danskit umiarsuutileqatigiiffiata kangimut aqqut aqqutigalugu aappaagu angalatitsinissaminut piareerpoq.

Umiarsuaatileqatigiiffiiup Belugap kangimut aqqut angallavigalugu ukiormanna umiarsuarnik angalatitsissanerluni suli qularaa, aappaaguli aqqut taanna atorlugu angalatitsinissani ilimaginerullugu, Niels B. Knudsen Belugameersoq oqarpoq.

Aqqut taanna aqqutigalugu umiarsuit orsussaat 40 procentinik annertutigisoq sipaarneqassaaq silaannarmillu CO2-mik mingutsitsineq annikinnerulissalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq