Ruslandimi timmisartoq ilaasumit aalakoortumit tiguarneqartoq

Ruslandimi timmisartoq Sibiriamit Moskvamut ingerlaartoq ilaasut ilaata piumasaqarneratigut allamut ingerlasariaqarsimasoq, Ruslandimi peqqarniisaarnianik akiuiniarnermut ataatsimiititaliap ilisimatitsissutigaa.

Ilaasoq allamut ingerlaqqusisoq timmisartumit, ataatsimiititaliaq naapertorlugu Sibiriami illoqarfimmi Khanty-Mansiyskimut mittumit, suli niunngilaq. Nutaarsiassaqartitsivik Tass naapertorlugu timmisartumik tiguaasoq aalakoorpoq.

Politeerpassuit timmisartoqarfimmiittut aamma oqaatigineqarpoq.

Ruslandimi peqqarniisaarnianik akiuiniarnermut ataatsimiititaliap oqaaseqartartua, Andrew Przhezdomsky, tv-qarfimmut Rossiya 24-mut oqarpoq timmisartoq mittarfimiittoq ilaasorlu pineqartoq suli niusimanngitsoq.

Sakkulisarnersoq ilisimaneqanngilaq, aamma sunik piumasaqaateqarsimanersoq ilisimatitsissutigineqanngilaq.

Ambulancenik timmisartoqarfiliartitsisoqaqarpoq.

Nutartigaq:

Nutaarsiasaqartitsivik Interfax nal. 10.30 sioqqutilaarlugu nalunaarpoq timmisartumik tiguaasoq politiinit tigusarineqartoq.

/ritzau/Reuters