Ruslandimi nunap inuii ICC-ip ikiorniarpai

ICC-p immikkoortortaa nunatsinniittoq ilinniartitaanermut ministeriaqarfimmit 750.000 koruuninik tunineqarpoq. Ruslandimi inuiaqatigiinnik Yupik-nnik tuluttut oqalussinnaanermut, allassinnaanermut, kiisalu inuit pisinnaatitaaffiinik ilinniartitsinermut aningaasat atorneqassapput.

Ruslandip avannaani Tjukotkami inuiaqatigiit Yupimik taaneqartartut najugaqarput. Inuit katillutik 55.000-t sinnilaarlugit akornanni nunap inuii 17.00-t taavani inooqataapput. Taakku aqutsisui tuluttut inuillu pisinnaatitaaffiinik maanna ilinniartinneqalerput.

Danskit nunanut allanut ministeriaqarfianit 750.000 koruunit ICC-ip immikkoortortaqarfianut nunatsinniittumut tunniunneqarmata tamanna piviusunngorsinnaalerpoq.

Nunap inuiisa atugarisaat pillugit isumasioqatigiinnerit, pikkorissartitsinerit assigisaallu maanna taamaalillutik piviusunngortinneqarsinnaalersut Nunatsinni ICC-p præsidentiata, Aqqaluk Lyngep oqaluttuaraa.

Ruslandip ajalusoornerata kingorna nunap inuiisa inuuniarnerat artornartorujuusimammat tapersersorneqarnissaat ICC-ip tungaaniit pisariaqarluinnarpoq.