Ruslandimi atuarfimmi toqoraasoqarnerani inuit 15-it toqutaasut

Ruslandip kippasissuani illoqarfimmi Isjevskimi atuarfimmi atuartuusimasoq atuarfimmi aallaasersorluni 15-it toquppai, taakkunannga meeqqat aqqaniliupput.

Taanna toqoraanermi kingorna imminut toquppoq.

Russit paasiniaasartuat taama paasissutissiivoq.

Toqoraasoq 30-t missaannik ukioqarpoq, Artem Kazantsev atilik.

Ruslandimut killeqarfik qaangerneqarpat, atomimik sakkussiat atorlugit Rusland imminut illersorsinnaasariaqarpoq, Ruslandimi præsidentiusimasoq Dmitrij Medvedev taama oqarpoq.

- Nakutitsinerunngilaq, Medvedev oqarpoq.

Medvedev Ruslandip isumannaallisaanermut siunnersuisoqatigiivini siulittaasup tullerivaa, Moskvamilu aqutsisut oqaloqateqaqqaaratik qisuariarsinnaasariaqartut taanna aamma oqarpoq.

Sakkutuut piareersimatinneqartut 300.000-it sakkutuut suliassaanik aallartinneqassasut Ruslandip præsidentia Vladimir Putin Ruslandimi innuttaasunut sapaatit akunerani kingullermi oqalugiarami taama oqarpoq, Ruslandillu killeqarfini illersorniarlugu sakkut atorneqarsinnaasut tamarmik atorneqassasut oqarluni.

USA-p naalagaaffiata isumannaallisaanermut siunnersuisua Jake Sullivan aarlerisaaraluni oqarpoq, atomi atorlugu sakkunik atuisoqarpat Ruslandimi ajunaarnersuarmik kinguneqassasoq.

00:01:11

Medvedevip qunusaarilluni marlunngornermi oqaaseqarpoq.