Ruslandimi akerliusut 600-t tigusarineqartut
Ruslandimi illoqarfiit pingaarnersaanni Moskvami akerliussutsimik takutitserujussuartoqarnerani Ruslandimi politiit 600-t tigusaraat.
![](/sites/default/files/styles/image_934x467/public/article_images/20190803-143336-l-1920x1409we.jpg?itok=6Rsu9Z9s)
Allattoq Ritzau
Nutserisoq Ane-Marie Petersen
Akerliussutsimik takutitsisut Moskvap qeqqani akerliunissaminnut pisortanut akuersissummik piniaqqaarsimanngillat, ingerlaaqatigiinnerullu aallartinneranit akunnerup ataatsip iluani inuit 311-t tigusarineqarsimasut nutaarsiassaqartitsivik namminersortoq OVD-info paasissutissiivoq.
Moskvami kommunalbestyrelsimut qinigassanngortikkusuttut mattunneqarneri illuatungiliuttunit akerliuffigineqarpoq. Qinigassanngortikkusuttut illuatungiliuuttuupput partiinullu attuumassuteqanngitsuullutik
Qinersineq septembarip arfineq-pingajuanni pissaaq.