Russit sakkutuuinut Ukrainemi sorsuttunut kingoraartissamaatit 300.000-t sorsukkiarnissamut maanna piareersimatinneqalersut, russit præsidentiata Vladimir Putinip ippassaq pingasunngornermi oqalugiartilluni oqaatigaa.Assi: Alexander Nemenov/AFP/Ritzau Scanpix

Ruslandimi akerliussutsimik takutitsisut 1300-t tigusaasut

Sorsunnissamut piareersimallutik Vladimir Putinip nalunaarutigereeraalu, Ruslandimi illoqarfippaalunni akerliussutsimik takutitsisoqarpoq.

Ruslandip Ukrainemut sorsunneranut akerliuniarlutik Ruslandimi innuttaasut ulluni kingullerni akerliussutsimik takutsitsisorpassuanngoriartortut ilaat 1.300-nit ikinnerunngitsut politiinit tigusarineqarsimasut, russit nutaarsiassaqartitsiviat arlaannaannulluunniit attuumassuteqanngitsoq OVD-info nalunaarpoq.

Russit sakkutuuinut Ukrainemi sorsuttunut kingoraartissamaatit 300.000-t sorsukkiarnissamut maanna piareersimatinneqalersut, russit præsidentiata Vladimir Putinip ippassaq pingasunngornermi oqalugiartilluni oqaatigeeraalu Ruslandimi innuttaasut illoqarfinni 38-ni akerliussutsimik takutitsilerput.

AAMMA ATUARUK Putinip sakkutuut piareersimasut 300.000-t Ukraineliartinniarai

Ruslandimi naalakkersuisunut illuatungiliuttut Vesna akerliussutsimik takutitseqqusillutik kaammattuisuupput.

Putinip russinut februaarip 24-anni kingullermik oqalugiaramili ippassaq pingasunngornermi aatsaat oqalugiaqqittup ilaatigut oqaatigaa, nunat killiit siorasaarinerannut Rusland akinissamut sakkussaaleqinngilluinnartoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl