Rusland: Timmisartuutigut malersuutit Kalaallit Nunaannukarnissaat annilaangassutigineqartariaqanngilaq

Russit Issittumi inissisimanerminnik annertusaanerat Kalaallit Nunaannit annilaangassutigineqartariaqanngitsoq russit Danmarkimut aallartitaat oqarpoq.
- Timmisartut Kalaallit Nunaata isumannaassusaanut susassaqanngillat. Susassaqanngilluinnarput, aallartitaq russit Issittoq pillugu ukiuni sisamani aallartitaattut atorfeqareerluni Københavnimi februaarimi atorfeqalertoq oqarpoq. Assi © : Oleg V. Belyakov - AirTeamImages [CC BY-SA 3.0 GFDL 1.2]
Allattoq Ritzau
novembarip 08-at 2019 07:22
Nutserisoq Ivik Kristiansen

Russit timmisartuisa malersuutit Issittumi sakkutooqarfimmit Nagurskoyemit nunatsinnukarnissaannut annilaanganeq kukkunerullunilu ingasaassaavoq.

Russit Danmarkimut aallartitaat, Vladimir Barbin, russit Issittumi suliaat pillugit Københavns Universitetimi marlunngormat unnukkut isumasioqatigiinnermi taama oqarpoq.

- Timmisartut Kalaallit Nunaata isumannaassusaanut susassaqanngillat. Susassaqanngilluinnarput, aallartitaq russit Issittoq pillugu ukiuni sisamani aallartitaattut atorfeqareerluni Københavnimi februaarimi atorfeqalertoq oqarpoq.

Sakkutooqarfimmik nutarterisut

Ruslandip qeqertani avinngarusimasuni Franz Josefs Landimi sakkutooqarfitoqqani ukiuni kingullerni nutarteriffigaa.

Tamannalu pissutigalugu russit nunatta nunavittaa Pituffimmilu sakkutooqarfik inorunnaaraat pillugu illersornissaqarfiup isertortumik paasiniaasartui siorna mianersoqqussuteqarput.

AAMMA ATUARUK Issittumi suleqatigiinneq sakkutuunik amerlisaanermit aporfilersugaasoq

Timmisartut malersuutit nunatsinni inissinneqarnissaat illersornissamut taamani ministerip Claus Hjort Frederiksenip (V) mianersoqqussuteqartoqareersoq siunnersuutigaa. Tamannali aallartitap paasiuminaatsinnerarpaa.

Russiske kampfly i Arktis er defensive

Vladimir Barbin naapertorlugu, russit Nagurskoyemi timmisartui taamaallaat illersornissaq eqqarsaatigalugu piareersimatinneqarput.

Timmisartut malersuutit russit akiuukkumanerannik takussutissaanngitsut USA-li akeqqersimaarmat sakkutooqarfimmiittut aallartitaq oqarpoq.

00:01:55

USA-mit timmisartut qaartartunik nakkaatitsisartut Issittumi tingisartut 2016-imilu sungiusarnerujussuup Polar Roarip USA-mit siuttuuffigineqarnera aallartitap innersuussutigai.

/Ritzau/