Rusland kimigiiserpoq: Issittoq pigaarput

Uagut naalagaaffitsinnut atavoq, uagununa nunarput, Issittumi Siunnersuisoqatigiit ataatsimiinngitsiarneranni, Ruslandip nunanut allanut tunngasunut ministeria taama oqarpoq, tusagassiorfik AFP taama allappoq.
- Naqissuseqqillara: Uagununa nunarput uagununa imartarput, Ruslandip nunanut allanut ministeria, Sergej Lavrov, taama oqarpoq. Assi © : Alexander Zemlianichenko/AFP/Ritzau Scanpix
Allattoq Ritzau
maajip 17-at 2021 16:06

Issittoq "uagut naalagaaffitsinnut atavoq, uagununa nunarput", Ruslandimi nunanut allanut tunngasunut ministeri, Sergej Larvov, Moskvami tusagassiortunik katersortitsinermi oqarpoq.

Ilaatigut Amerikami nunanut allanut ministeriat, Antony Blinken, Issittumi Siunnersuisoqatigiit Reykjavikimi ataatsimiinngitsiarneranni taama oqaaseqarpoq.

- Uagut naalagaaffitsinnut atavoq, uagununa nunarput, tamanna qangaaniilli tamatta nalunngilarput, Larvov issittoq pillugu oqarpoq.

- Issittup sineriaata isumannaatsuunissaanut akisussaasuuvugut, taanna oqarpoq.

AAMMA ATUARUK Russit EU-mut attaveqarunnaarnissamik sioorasaaruteqarnerat aalassatsitsisoq

Issittorlu arlalinnut Issittumi Siunnersuisoqatigiit ataatsimiinneranni agguataarneqarnissaa taassuma kissaatiginngilaa.

- Naqissuseqqillara: Uagununa nunarput uagununa imartarput.

Issittumi Siunnersuisoqatigiit Islandimi illoqarfiit pingaarnersaanni pingasunngornermi sisamanngornermilu ataatsimiissapput.

Issittumi Siunnersuisoqatigiit issittup killinga tikillugu nunat ilaasortaapput. Rusland aamma ilaasortaavoq.