Killeqarfiit immap naqqaniittut immallu qaavani nuisanngitsumiittut qinnutigineqarput. Aalisagartassiissutinut immallu qaavani nuisasunut pisussaatitsinngillat.

Rusland issittup imartaata naqqanik piumasaqartoq

Rusland issittup imartaata killeqarfianik suli annerusumik sapaatit akunnerata siuliani piumasaqarpoq. Tamanna Ruslandip peqqarniitsuuneranik nalilerneqarpoq, Issittumilu Siunnersuisoqatigiinni suleqatigiinnermut kingunerlutitsisinnaavoq.

- Issittumi piumasaqarneq Ruslandip peqqarniitsuuneranut ersertitsisuuvoq, issittup pissusaanut ilisimasalik, Rob Huebert, raatiumit apersorneqarnermini oqarpoq.

Tamannalu issittumi nunat arfineq marluk akornanni Issittumi Siunnersuisoqatigiinni suleqatigiinnermut sunniuteqarsinnaasoq.

Issittumi Siunnersuisoqatigiinni ukioq kingulleq maajimi Island taarserlugu Rusland siulittaasunngorusussimagaluarpoq.

Sakkutooqarnermut tunngasunik Issittumi Siunnersuisoqatigiit aallutaqartuunngilaq, akerlianimi issittup eqqissisimanartuunissaanik suliniuteqartuuvoq.

Tamaakkaluartoq Ruslandip issittumi sakkutuulersorneq ineriartortippaa. Issittumi sakkutooqarfittaajortorpoq, Ruslandimi issittumik soqutigisaqartorujussuuvoq, ilaatigut isumalluutit pisuussutaasut avannaanilu immakkut angallaffiusoq eqqarsaatigalugit.

AAMMA ATUARUK Ilisimatooq Issittumi sakkutooqarnikkut saqitsaaffiunnginnissaa pillugu: Ajornakusuussaaq

Immap naqqani nunap toqqavianik killeqarfik 705.000 kvadrat kilometerinik annertutigisumi Naalagaaffiit Peqatigiit aalajangiisartuinut Rusland qinnuteqarpoq.

Killeqarfimmik annertusaaniarluni qinnuteqarsinnaaneq inatsisitigut unioqqutitsinerunngitsoq Rob Huebert nassuiaavoq.

Canada 2019-mi nutaanik piumasaqaateqartoq, Kalaallit Nunaallu pillugu Danmark 2014-imi Naalagaaffiit Peqatigiianut nutaanik paasissutissiisoq, FNs Division for Ocean Affairs allappoq.

Tamaattorli Ruslandisulli killeqarfinnik annertutigisunik qinnuteqartoqarsimanngilaq. Killeqarfiit taakku Canadamit Danmarkimiillu qinnutigineqartunit qalliilluni qinnuteqartoqarpoq. Killeqarfiit immap naqqaniittut immallu qaavani nuisanngitsumiittut qinnutigineqarput. Aalisagartassiissutinut immallu qaavani nuisasunut pisussaatitsinngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat