Rusland Hollandimut millionerpassuarnik taarsiissasoq

Greenpeacep umiarsuaata Arctic Sunrisep 2013-imi qaammatini arlalinni tigummigallarneqarsimanera pillugu Rusland Hollandimut taarsiissasoq nunat assigiinngitsut akornanni Wienimi isumaqatigiissitsiniarnikkut eqqartuussiviup aalajanngiuppaa.
Assi © : Wikimedia Commons
Allattoq Karsten Sommer
juulip 18-at 2017 14:21

Rusland 40,5 millionit koruuninik taarsiissasoq aalajangerneqarpoq.

Arctic Sunrise Greenpeacemiit avatangiisinik illersuiniartartunik 29-nik ilaasoqartoq taakkunanilu danskeq Anne Mie Roer Jensen ilaasoq septembar 2013-imi russinit ikiffigineqarpoq Murmanskimukaanneqarlunilu. Umiarsuaq hollandimiut erfalasuannik erfalasoqarpoq.

Ruslandip isumaqatigiissitsiniarnikkut eqqartuussiviit tallimat Wienimeersut aalajangiinerat qanoq isummerfigissaneraa apeqqutaaginnalerpoq. Rusland suliami akuusimanerminut pinngitsuunerartuarsimavoq, naak Ruslandip inuit pisinnaatitaaffii unioqqutillugit Arctic Sunrisemik tigusarinninnera isumaqatigiissitsiniarnikkut eqqartuussiviup 2015-imili aalajangersimagaluaraa. 

Arctic Sunrise Amsterdamimut utertinneqarmat ajoquserneqarsimammat umiarsuup innarlerneranut 5,5 millionit eurot taarsiissutigineqassapput.

Umiarsuaq kingorna iluarsartuunneqarpoq maannalu uuliasiornermut akerliujartorluni Issittumukariartorluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq