Rune Klan Nunatsinnukalersoq

Danskeq aliikkusersuisartoq Rune Klan marsip qaammataani Nunatsinni marloriarluni aliikkusersulerpat angakkuarnermik quiasaarinermillu nuannerluinnartumik misigisaqarfigineqarsinnaassaaq.
Allattoq Peter Troelsen, Simon Uldum
januaarip 28-at 2014 07:50

Rune Klan Dronning Margrethep 70-iliinerata nalliuttorsiutigineqarnerani angakkuarluni aliikkusersuinermigut Danmarkimi aatsaat pimoorussamik ilisarisimaneqalerpoq. Tamanna sioqqullugu stand upertartutut ilisarisimaneqarneruvoq, tv-kkullu aliikkusersuisalerami Danmark tamakkerlugu nuannarineqartupilussuanngorpoq.

Rune Klanip Danmarkimi ukiaq angalalluni aliikkusersuisaqattaarnera "Det stribede show"-imik taaguuteqartoq nuannarineqartupilussuuvoq. 47-riarluni aliikkusersuereerluni Klan aalajangersimavoq angalalluni aliikkusersuisaqattaarnini 35-nik ilaniarlugit.

Taakkunanngalu marluk Nunatsinni takutinneqassapput. Rune Klan Ilulissani Hoterl Arcticimi pingasunngornermi marsip 26-iani, Nuummi kulturikkut illorsuarmi Katuami arfininngornermi marsip 29-iani aliikkusersuissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq