Rumaniami qineqqusaartunut pissusilersorneq kusanaagineqarpoq
Rumaniap tv-qarfiata ilanngutassiaasa ilaanni præsidentip nukappiaraq isakkaa videoliarineqarsimasoq takuneqarsinnaavoq, tamannali præsidentip sakkortuumik akerlilerpaa:
- Meeqqakka, inuit allat meeraat nuliaraluunniit attortarnikuunngilakka, taamatut Rumaniap præsidentia videoliaq takoreerlugulu tv-qarfimmut oqaaseqarpoq. Videoliamimi takuneqarsinnaavoq arnap meeqqani innarluutilik ilungersorluni præsidentinngorniamut ikioqqugaa, kinguninngualu præsidentinngorniap meeraq isakkaa takuneqarsinnaallunittaaq.
Præsidentip videoliaq salloqittaataanerarpaa, præsidentinngorniunnermilu unammillertaasa uukapaatitsiniutaattut taakkartorlugu.
Præsidentinngorniunnerup aappassaaneerneqarnissaa tulliani sapaatiuppat pissaaq, qinigaasussallu suliassai imaannaanngitsuupput, Rumaniami EU-mi nunat piitsuunerpaat, perulluliorfiunerpaallu ilagaat, IMF-imiillu, tassa nunat siuarsagassat taarsigassarsiniartarfianiittut aningaasat milliardilikkaat Rumaniap aningaasaqarniarneranut iluarsartuutissatut atugassaagaluit unitsinneqarsimallutik.
