Rumania Bulgarialu EU-mut ilaasortanngussapput

Rumaniap Bulgariallu ukiortaamiit EU-mi ilaasortanngornissaat EU-mi ataatsimiititaliarsuup ullumi inassuteqaatigaa. Nunat taakku arlalinnik pitsanngorsaasinnaagunik ilaasortanngorsinnaassapput.

Rumaniap EU-mi ilaasortanngorniarluni piareersarnermini suliassat sisamat kinguaattorutigisimagai kiisalu Bulgariap suliassat arfinillit kinguaattoorutigisimagai EU-mi kommisærit 25-iusut nalunaarusianngorlugu tigoqqammerpaat.

Rumaniami inuussutissat isumannaatsumik suliarineqartarneri, nunalerineq kiisalu akileraarutit akilersorneqarneranni qarasaasiakkut atortorissaarutinik amigaateqartoqarpoq.

Bulgariami pinerliiniaqatigiit akiorniarlugit sukumiisumik iliuuseqartoqarnissaa amigaataavoq. Taassuma saniatigut inuussutissat isumannaatsumik suliarineqartarneri EU-miillu naasorissaasut tapiissutisisarnerisa nakkutigineqarnerat aaqqiiffigineqaritariaqarpoq.

EU-mi nunat ilaasortat juunip 15-ani 16-anilu ataatsimiinnissaani inassuteqaat eqqartorneqassaaq. Suliassat naammassineqarsimanngippata oktoobarip tungaanut aalajangiinissaq kinguartinneqarsinnaavoq.