Rumaaniami præsidentimut aqagu qinersisoqassaaq

Rumaania EU-mut 2007-imi ilaasortanngormalli aatsaat qinersisoqalerpoq. Maanna præsidenti, Traina Basiscu, unammillertaalu Socialdemokrateq, Mircea Geona, qineqqusaartuni piukkunneqarnerpaapput.

Sorlerluunniit ajugaagaluarpat, suliassaq tuaviuutassaq tassaavoq naalakkersuisussanik nutaanik toqqaanissaq. Niuernikkut ministeriaqarfiup nuna qaammatip aappaa avillugu aqoreerpaa, aaqqissuusseqqinniarnerillu pingaarutillit, aningaasaqarnermut suliniaqatigiiffinnit nunarsuarmi tamaneersunit arlalinnit piumasarineqarsimasut, ingerlariaqqissinnaasimanngillat.

Aningaasaqarnikkut nunarsuaq tamakkerlugu ajornartorsiuteqarneq pissutigalugu, Nunat Siuarsagassat Taarsigassarsiniartarfiata, IMF-ip, EU-p aamma nunarsuaq tamakkerlugu aingaaserivissuup Rumaania 149 milliardi koruuninik marsimi ikiorsertariaqarsimavaat. Rumaanialu neriorsuitinneqarpoq pisortatigoortumik aningaasartuutit annertuumik ikilisartariaqarai.

Tamanna ingerlalluanngitsoorpoq. Naalakkersuisut, Liberale Demokratit Socialdemokratillu, oktobarimi ajalusoorput, politikkikkullu suliniutit unittoorlutik.