Rudolfi immaqa tassaagaluarpoq Rudolfiina
Rudolfi pillugu erinarsuut: "Unnia nissiaqqat" tamatta ilisimavarput. Tuttup taassuma kusanartorsuarnik nassullip juullip inuata qamutai uniartarpai, taamaalilluni nunarsuatsinni meeqqat tamarmik tunissutisiassaqarniassammata.
Kisianni tuluup ilisimatuup Rudolfi kulavaanersoq pannerunersorluunniit nalornisorujussuanngorsimavaa.
Taannami isumaqarpoq Rudolfi tassaasariaqaraluartoq Rudolfiina.
Tassami tuttu juullip nalaani nassoqaruni pannerunavianngilaq. Tassami kulavaat norraatsullu kisimik ukiuunerani nassoqaannartarmata, taama nassuiaavoq Edinburgh Universitymi ilisimatooq Gerald Lincoln.
Pannerit ukiakkut nuliunerminni nassutik atortarpaat, nulioreeraangamillu katattarlugit. Kulavaalli aput assallugu nerisassarsiornissaminnut nassutik atorfissaqartikkamikkik ukiuunerani nassoqaannartarput, taamaalilluni juulip nalaani tuttu nassulik kulavaasimassaaq, taamaalilluni Rudolfi tassaasimassaaq: Rudolfina!
Taamaakkaluartoq erinarsuummi nuannersumi Rudolfi erinarsuutigisarallassavarput, Rudolfiinap erinarsuusiarineqarnissaata tungaanut...