Rudolf toquvoq

Oqarsinnaagunarpugut Danmarkimi Fynimi juullip inuanik taaneqartartoq, Olavi Niikanoff, nunarsuatsinni juullip inuini ajutoorajunnerpaatut immaqa taasinnaavarput. Taannami tuttuutimi ilaannik, Rudolfimk atilimmik, annaasaqaqqissimavoq, tuttulu taanna ukioru juullumi perngarluni sulisussaasimagaluarpoq.

- Rudolfip sinitinneqarluni issuertilluni suliaritinnerani ajorluinnartumik pisoqarpoq. Suliaritereermat uumasut nakorsaata itissutissaanik kapigaluarmani iteqqinngitsoorpoq, tassalu sininnermi eqqissilluni toqulluni, Olavi Niikanoff oqarpoq.

Rudolf maajimi marluliisussaagaluarpoq, Niikanoffillu massakkut neriuutaasa annersaraat, Rdolfip uumasutut naammassisassani isumagisimassagaa, tassa tuttu arnaviaq, Anja, ilumitsillugu. Tamannali uatsi aatsaat paasinarsissaaq, juullip inua fynimiu oqarpoq.

Juullip inunnguakkulua taanna uumasuutiminik allakkajaatut aatsaat uumasuutaarsinngilaq. Tuttuutini alla, aamma Rudolfimik atilik, ukiut marlussuit matuma siorna aamma eqqumiitsumik annaavaa. Danmarkimi illersornissaqarfiup timmisartuutaasa malersuutit ilaata Rudolfi toquppaa. Timmisartumik malersuummik ingerlatitsisoq nunamut qanittuaraalluni qulaammat, tuttu annilaarnermit uppiinnarsimammat.

Aappi, tuttup toqunera uagut immaqa kingulliulluta ajugaasimaapiluutigissavarput, kisianni juullip inuatut atukkersortartoq, Fynimilu najugaqarluni…qanoq oqassanerpugut, eqqarsarnanngitsuunngilarmi!