Assi: Tove Madsen/teknikimik ilinniarfik

Rubinisiorfik laboratoriami sulisussanut aqqutissiuivoq

Nunatsinni siunissami aatsitassarsiortoqarnissaanut pilersaarutit najugaqavissunik ilinniarsimasunik pisariaqartitsipput. Laboratoriami sulisussatut pikkorissartut siulliit akornanni ataaseq True North Gemsip Qeqertarsuatsiaat eqqaanni rubinisiorfiani taamaasilluni naammasseqqammerpoq, Aatsitassalerinermik Ilinniarfimmi Sisimiuniittoq aqqutigalugu naammassilluni.

Nuummi pikkorissartut katillugit aqqaneq-marluk apriilip ulluisa sisamaanni aallartipput, sapaatillu-akunneri marluk ingerlaneranni sakkortuumik pikkorissareerlutik aatsitassarsiornerup iluani laboratoriami ikiortitut sulisinnaanngorput.

Piginnaasat suleriaatsillu tunngaviusut pikkorissarnermi ilinniartitsissutigineqarput, laboratoriamilu isumannaallisaaneq aamma ilinniarneqarluni.

Aamma atuaruk Rubinisiorfik annertunerujussuarmik iluanaarutaasussanngortoq

Sulinermi atukkat pillugit inatsit sammineqarpoq, inatsisinik paasiniaasinnaanermut tunngasunik kiisalu laboratoriami sulinermi akisussaaffiit pisussaatitaaffiillu pillugit pikkorissartoqartoq.

Laboratoriami suleriaatsit, isumannaallisaaneq imminullu illersorniarnermi atortunik atuinerit sapaatip-akunnerini marlunni pikkorissarnikkut misilitsinnermilu ilinniarneqarput. Aatsitassalerinermik Ilinniarfik Sisimiuniittoq tusagassiuutinut nalunaarummi taama ilaatigut allaaserisaqarpoq.

Laboratoriamimi ikiortitut pikkorissarsimasut siulliit aqqaneq-marluk maanna naammassisimalermata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat