Akiliisinnaajunnaartoq: Rubinisiorfik ammaqqeriaannaasoq
Ingerlatseqatigiiffimmut TNGG-imut akiliisinnaajunnaaqqasumut akisussaasuungallartup naatsorsuutigaa sapaatit akunnerisa marluk iluanni Aappaluttumi rubinisiorfiup tunineqarnissaa isumaqatigiissutigineqassasoq.
Kisianni tunineqarnissaanut isumaqatigiissut Naalakkersuisuninngaanniit aamma akuerineqaqqaartussaavoq. Taakkumi kikkut ingerlatseqatigiiffimmik ingerlatitseqqissanersut akuereqqaartussaavaat.
Tamanna aamma isumaqarpoq, Aappaluttumi rubinisiorfimmik pisisussap TNGG-imut piumasaqaatit akuersissutaasimasullu assinginik tunineqartussaammata.
Ingerlatseqatigiiffiup akiliisinnaajunnaarneranut akisussaasuugallartoq isumalluarpoq. Sapaatip akunnerisa marluk iluanni tunineqarnissaanut isumaqatigiissuteqassasut, Peter Schriver oqarpoq.