Royalties tamarmik piumavaat - qaquguli?

Nunatta pisuussutaanik nunap iluaniittunik, royaltiesinik taaneqartartunik, piiaanermi, akiliuteqartitsisoqartassasoq, partiit arfinillit tamarmik isumaqatigiissutigaat. Kisianni Nunatta pisuussutaanik pissarsinermi akiliut, qaqugu, aamma qanoq, eqqunneqassanersoq isumaqatigiinngissutaaqaaq.
 
Siumup, Kattusseqatigiit Partiiata aamma Partii Inuit akiliummik taamaattumik ingerlaannaq atuutilersitsinissaq piumasaraat.
 
Atassut isumaqarpoq, piginneqatigiffiit akiliutaat allanngorartinneqassasoq, aatsitassanik isertitsilluaataanerusunik piiaasut akiliinerusassallutik. Atassut aamma isumaqarpoq, royalties qanittukkut isummerfigineartariaqartut, aatsitassarsiortitseqatigiit piiaalerunik sunik aningaasartuuteqassallutik ilisimaniassammassuk.
 
Aamma Inuit Ataqatigiit Demokratillu royaltiesinik atuutilersitserusupput, partiillu taakkua oqarnerattut, periarfissaq aatsitassat pillugit inatsimmi paragraf 17-imi allassimareerpoq. Demokraatilli isumaqarput massakkuungitsoq - aatsaat piffissami eqqortumi. Akitsuusersueriaaseq taanna allanik isertitsissutaanerussanersoq, Inuit Ataqatigiit misissoqqaarusuppaat.

Qallunaatullu Qaqortumi oqallinnermi Maliina Abelsen IA-meersoq kajumissaarivoq aatsitassat pillugit kalaallit inuiaat isumaqatigiilluartariaqartut soorluttaaq aatsitassat pillugit 2009-mi taama pisoqartoq. Taamaasiornikkut anguniarpaa aatsitassat pillugit allanngorartumik politikkeqannginnissaa. Ilanngullugu oqaatigaa aatsitassarsiorluni aallartitsiniarnermut akitsuusersuutit unitsitsinnginnissaat mianersuuttariaqartoq.

- Issiaannarluta aningaasani isaatitsiniassanngilagut, suliffissanik pilersitsinissaq pingaartilluinnartariaqarparput, Maliina Abelsen oqarpoq.

- Vi skal ikke bare sidde og få penge ned i kassen, sagde hun, det handler også om at skabe arbejdspladser.

IA-meersoq Kalistat Lund royalties aamma akitsuutit pillugit oqallinnermik eqikkaavoq.

- Aaqqataanera quppartuujuneraluunniit apeqqutaanngilaq oqoruni naammappoq.