Royal Greenlandip siulersuisuini pingasut taarserneqarput
Siulersuisuni ilaasortat pingasut naalakkersuisunit taarserneqarput. HR-konsulent Kathrine Bødker, suliffeqarfimmik ingerlatsisoq Peter Rasztar aamma eqqartuussissuserisoq Finn Meinel ilaasortaajunnaarput.
Taakkua taarserneqarlutik Qaqortumi takornariartitseqatigiiffimmi pisortamit Petrine Høeghimit, Danmarkimi Homasitimit pisortamit Arne Pedersenimit, aamma Svend Bang Christiansenimit, ingerlatseqatigiiffinni arlalinni siulittaasuullunilu siulersuisuni ilaasortaasoq.
Peter Grønvold Samuelsen siulittaasutut toqqagaaqqippoq, 2011-p tungaanut atuutissalluni, aamma siulittaasup tullia Sven Lyse 2011-p tungaanut ingerlaqqissasoq, Sermitsiami allaaserineqarpoq.