Royal Greenlandip siulersuisui ullumi ataatsimiissapput
Peter Grønvold Samuelsen-ip Royal Greenlandimi siulersuisut siullermeerluni katersuutissavai.
Nunatta nalunaaqutaa malillugu ullaap tungaani qulinut hotel SAS Radissonimi Københavnimiittumi Royal Greenlandip siulersuisortaava ataatsimiisitseqqaassaaq.
Siulersuisuni siulittaasup siunissamut pilersaarutit qanoq isikkoqarnersut oqaatigiumanngikkallarpai. – Maanna siullermeerluta ataatsimeeqqaarallassaagut, siusippallaaqaaq pilersaarutit oqaatigissallugit, Kalaallit Nunaani suliffeqarfissuit annersaanni Royal Greenlandimi siulittaasoq KNR-imut oqarpoq.
Royal Greenlandip Arctic Green Food pisiarissaneraa ataatsimiinnermi eqqartorneqassanersoq ilisimaneqanngilaq. Siulersuisut nutaat siulittaasorlu februaarip 14-iani qinigaapput.