Royal Greenlandip Aalborgimi tunisassiorfiutini matuleraa

Royal Greenlandip tunisassiorfiutaa Aalborgimiittoq matoriarlugu, Tysklandimut nuunneqassaaq.

Royal Greenlandip Aalborgimi tunisassiorfiani sulisut nalunaarut tamanna tallimanngormat paasivaat, TV2-nord allappoq.

Tassungalu taarsiullugu Royal Greenlandimi aqutsisut tunisassiorfiup Tysklandimut nuunneqarnissaat toqqarpaat.

Maluginiaqquneqarpoq Svendstruppimi Royal Greenlandip tunisassiorfia pineqanngimmat, Aalborgimili tunissassiorfik tassani pineqarmat.

Tunisassiorfimmik matusinermi suliffeeruttussat amerlasut oqaatigineqarpoq:

- Sulisut 50-it missaanniittut eqqugaassapput tassalu, atorfillit, tunisassiortut kiisalu taakku saniatigut vikaarit. Taama oqarpoq Danmarkimi 3F-imi sulisut peqatigiiffiani siulittaasoq, Benny Vinther.

Tysklandip avannaa tungaaniittumut tunisassiorfiup nuunneqarnerani sulisunut aningaasartuutit ikinnerulissasut taanna ilisimatitsivoq. 

Benny Vintherip oqarnera naapertorlugu tunisassiorfik novemabarip qaammataani matuneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat