ToqqorsivimmitAssi: Inga Egede/Royal Greenland

Royal Greenlandip Aalborgimi sulisui suliumajunnaartut

Royal Greenlandip Aalborgimi suliffissuani sulisut suliffeqarfissuup Aalborgimi suliffissuup Tysklandimut nuutsitseratarsinnaanera akerleralugu suliumajunnaarput.

Royal Greenlandip Jyllandip avannaani sulisui sisamanngornermi ullaakkut suliumajunnaarput. TV2 Nord taama allaaserisaqarpoq.

Royal Greenlandip Aalborgimi suliffissuarmi raajanik poortuinerup Tysklandimut nuunneqarsinnaaneranik pilersaaruteqarnerata kingunerisaanik suliumajunnaartoqarput.

Tunisassiornerup nuunneqarneratigut Aalborgimi suliffiit 50-it missaanniittut annaaneqarartarsinnaapput. Tunisassiornermi sulisut 20-30-upput, taakkulu sisamanngornermi ullaakkut suliumajunnaarput.  

Benny Vinther Jensen Aalborgimi 3F-imeersoq Royal Greenlandimilu sulisut ilaannik ilaasortaqartoq, TV2 Nordimut ima oqarpoq:

- Sulisut pineqartut suliffimminik annaasaqarnissaminnik paasitinneqarnerminni periaaserineqartoq naammaginartinngilaat. Ilisimasaqarpianngillat, suliffeqarfiummi pisortaanerata nalunaarutigisimavaa aatsaat februaarip sisamaani ilisimatitsiartorluni Aalborgiliarsinnaalluni, Benny Vinther Jensen oqarpoq.

AAMMA ATUARUK Royal Greenlandip Aalborgimi tunisassiorfiutini matuleraa

Royal Greenland tusagassiorfinnut nalunaaruteqarluni allappoq suliffissuup nuunneqarnissaa inaarutaasumik suli aalajangiiffigineqanngitsoq, suliffeqarfiullu februaarip aallartinnerani aalajangiinissani naatsorsuutigigaa.

Royal Greenlandip aamma ilisimatitsissutigaa Aalborgimi Østhavnenimi init suliffissuarmut attartornerinut isumaqatigiissut 2019-ip naanerani atorunnaassasoq, tunisassiornermullu periarfissat suliffeqarfissuup maanna misissuleruttorai:

- Nalinginnaasunik tuninisassianik nioqqutissiassaatitsinnik tuniniaaviit pingaarnerit aamma igaffissuarnut assigisaannullu nioqqutissiassaatitsinnik tuniniaaviit pingaarnerit Europami tuniniaaffissuarniipput. Cuxhavenimi Tysklandimiittumi Europami pisisartutta pisiassaannik tunisassianik poortuisarfiuteqareeratta tassani maanna periarfissaasinnaasut misissorpavut, tunisassiornermi pisortaq Lars Nielsen taama oqarpoq, nangipporlu:

- Cuxhavenimi tunisassianik nioqqutissiornermi ataatsimoorussinitsigut nukittorsaasinnavugut ilaatigut aamma ininut attartornermi akikinnerusumik akiliisarnikkut.

AAMMA ATUARUK Royal Greenland fisker nyt overskud i hus

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat