Royal Greenlandimut millionit koruunit

Royal Greenlandip Glyngøremi immikkoortortaa 2008-mi matummat, Jyllandip avannaamiui sulisut 110-t suliunnaarput, matusinerlu EU-mit tamakkiisumik aningaasaliiffigineqarpoq.

Suliffeqarfiit Danmarkimut attuumassuteqartut amerlaqisut, Polenimi suliffissanik pilersitsinissaminnut EU-mit millionit koruunerpassuarnik aningaasaliiffigineqarsimasut, suliaqaqatigiit aviisianni, 3F-imi, ullumi allaaserineqarpoq. Sulisut tusindtilippassuit qallunaat tunisassiorfiini fabrikkiini sulisut suliffissaarupput - Royal Greenlandip Jyllandip Avannaani tunisassiorfia taakkununnga ilaalluni.

Glyngøremi tunisassiorfik "Fisken" matummat, Polenimi suliffissanik pissarsinissaminut Royland Greenland 53 millionit koruuninik tapiiffigineqarpoq.

Suliffeqarfissuarnik nutserineq tassa aningaasarsiakinneruneq kisimi pineqanngilaq, aammali  inuussutissarsiutinut tapiissuterpassuit pineqarput.

Royal Greenlandimi qullersaat maannamut nipaalluinnarsimapput. Tuniniaanermut manageri, Hanne Kvist, oqarpoq, suliaqaqatigiit aviisianni 3F-imi paasissutissat allaaserineqartut oqaaseqarfigerusunnagit.