Assi: Royal Greenland

Aalborg Royal Greenlandimi sulisut sulileqqittut

Royal Greenlandip Aalborgimi suliffissuani sulisut siulersuisunit ilisimatinneqareerlutik sulinertik nangeqqippaat. TV2 Nord taama allaaserisaqarpoq.

Royal Greenlandip Aalborgimi suliffissuarminik matuseriarluni tunisassiornermik Tysklandimut nuutsitsinissamut pilersaaruteqarnera pissutigalugu sulisut sisamanngormat suliumajunnaarput.

Sulisut pilersaarutinut atatillugu torersumik ilisimatinneqartutut misigisimanngillat siulersuisuniilli suliffissuup matunissaa pillugu tallimanngornermi ullaap tungaani nassuiaateqarfigineqartut, sulisut sinniisuata, Lillian Haystorpip TV2Nordimut ilisimatitsissutigaa.

AAMMA ATUARUK Royal Greenlandip Aalborgimi sulisui suliumajunnaartut

Suliffissuup aningaasartuutai ilaatigut annikillisinniarlugit Aalborgimi suliffissuaq matullugu tunisassiorneq suliffeqarfiup Tysklandimi Cuxhavenimi suliffissuanut nuutsinneqassasoq suliffissuaq tusagassiuutinut allappoq.

Nuussiniarnerup nalaani sulisut sulisoriinnarnissaannut suliunnaarnissaannullu isumaqatigiissusiornissaq sulisut suleqatigalugit isumaginiarneqarpoq. Taamatuttaaq sulisut Cuxhavenimi utaqqiisaagallartumik ataavartumilluunniit sulisorineqarsinnaanerat oqaloqatigiissutigineqassalluni.

AAMMA ATUARUK Royal Greenlandip Aalborgimi tunisassiorfiutini matuleraa

- Langerakimi sulisut misilittagaqarluarlutillu pikorissuusut pisariitsumik nuuttoqarnissaanut tunisassiornermillu ingerlatitseqqinnissamut peqataalluarsinnaapput. Taamaattumik neriuutigaarput sulisut peqatigalugit piffissami pisussami suleqatigiilluarnissatsinnut tunngavissarsiorniarpugut, Royal Greenlandimi aningaasaqarnermut pisortaq, Niels Kinnerup oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat