Royal Greenlandimi atorfiit nutaat 40-ut

Qeriteriviit nutaat tisanermullu atortut nutaat Royal Greenlandimi ikkussuunneqarput suliffissanik nutaanik pilersitsipput. Paamiuni Qeqertarsuatsiaanilu suliffiit 30-40-ut pilersinneqarput suliffeqarfimmit innuttaasunillu nuannaarutaasut.
Allattoq Peter Troelsen, Noah Mølgaard
juunip 14-at 2012 09:15

Nuummi qerititeriviit pingasut allallu pingasut Narsami kiisalu Paamiuni tisanermut atortorissaarut ulluni makkunani ikkussuunneqaleruttorput. Qerititerutillu allat marluk Qeqertarsuatsiaani aggustip qaammataani ikkussuunneqarpata Royal Greenlandip tunisassiorsinnaannerata annertusinera malugineqarlualissaaq.

- Ataavarnerusumik sulisitsisinnaalernerput assut malugusunnarpoq. Siornatigut assagiarsunniat sila ajortillugu aallarsinnaajunnaaraangata sulisut angerlartiinnartariaqartaratsigit, maannali sulisut novembarip decembarillu tungaanut allaat sulisissinnaassavagut, tunisassiorfimmi ingerlatsisoq Pele Nathansen oqarpoq.

Tunisassiornerli kisimi eqeeriartunngilaq. Naammassisinnaasat annertusinerisigut atorfiit allat pilersinneqarsinnaanngorput. Paamiuni tisanermut atortorissaarutitaarneq suliffissanik nutaanik pilersiffiunersaavoq.

- Aalisakkerisut saniasigut sulisunik allanik, soorlu kantinamiunik eqqiaasunillu ilasisinnaassagatta. Taamaammat tisaavittaarneq iluaqutaalluartussaavoq, aamma illoqarfimmut, tunisassiorfimmi ingerlatsisoq Pele Nathansen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq