Royal Greenlandi nakkutigineqartoq
Politiinit allagaq unnerluutiginnissut ippassaq tamanut saqqummiunneqartoq naapertorlugu, Royal Greenland Qeqertarsuup Tunuata avannaani kinguppannik 200 tonsinik inatsisinik unioqqutitsilluni pisaqarsimagunarpoq.
Aamma atuaruk RG 4 million koruunit naliginut akiliisussanngorlugu unnerluunneqarpoq
Namminersorlutik Oqartussat suliffeqarfiutaat taanna aalisarnermut inatsimmik ukiormanna aappassaannik unioqqutitsisimasutut unnerluutigineqarpoq. Sermitsiami juulimi atuarneqarsinnaasutut Royal Greenlandip kilisaataataanit avaleraasartoorniartunit tallimaasunit pingasuni kalaallinik inuttaqarnissamik piumasaqaammik naammassinnissimanngikkaluartut aallartinneqarsimasut.
Aamma atuaruk Nunatsinneersunik naammattunik inuttaqanngillat
Tamanna kilisaatit inuttalersornissaannik nalunaarummik unioqqutitsinerugaluartoq, Royal Greenland immikkut ittumik akuersissuteqarfigineqanngikkaluarluni avaleraasartoorniartitsivoq.
Royal Greenlandimi isumaqarput, isornartorsiuisoqarusuppallaartoq. Pisortaq Michael Thinghuus KNR-imit apersorneqarusunngilaq, Kilisaataateqarfiullu pisortaatulli Jens Bisgaarditut unioqqutitsilluni kinguppanniartoqarsimanerata suli eqqartuussissutigineqannginnera innersuussutigalugu.