Raajanik tunisinermi tapit pillugit peqquserluuteqarsimasutut pasineqarnini pillugu, Royal Greenlandimi siulersuisuni siulittaasup, Paaviaaraq Heilmannip, Hans Enoksenimit aamma Aalisarnermut Piniarnermut Pisortaqarfimmit utoqqatsissummik tuneqqulluni piumasaqarpoq.
Kalaallit Nunanni Sulisitsisut Kattuffiata tusagassiutitigut nalunaarutaa naapertorlugu, Paaviaaraq Heilmannip utoqqatserfigineqarnissaminik piumasaqaataa, Namminersornerullutik Oqartussat namminneq kukkunersiuisarfiannit nalunaarummik tunngaveqarpoq.
Pisuutitsinerit mamianarluinnartutut isumakkeerfigineqarsinnaanngitsutullu naalakkersuisut siulittaasuannut allakkamini Paaviaaraq Heilmannip nalilerpai.
Pineqartunit pisortatigoortumik utoqqatserfigineqaannarani, Piniarnermut Aalisarnermullu Pisortaqarfimmi ajornartorsiutinik misissuisoqarnissaanik Paaviaarq Heilmann kissaateqarpoq.