Royal Greenland unioqqutitsilluni raajarniarsimasutut eqqartuunneqartoq

Royal Greenland ingerlatseqatigiiffiullu umiarsuaani naalagaq savalimmiormiu Qeqertarsuup avannaatungaani unioqqutitsilluni raajarniartoqarsimanera pissutigalugu juulip qaammataani eqqartuunneqarput, Atuagagdliutit ullumi saqqummersoq taama allaaserisaqarpoq.
Assi © : Royal Greenland
Allattoq Jonas Fievé
aggustip 17-at 2016 10:59
Nutserisoq Simon Uldum -

Ingerlatseqatigiiffik millionip affaanik akiligassinneqarpoq, umiarsuullu naalagaa 10.000 koruuninik akiligassinneqarluni.

Tamatuma saniatigut aamma unioqqutitsilluni pisat nalingi 1,5 millionit koruuniusut arsaarinnissutigineqarsimapput, Adam Fischermann Nunatta Politiivineersoq Atuagagdliutinut taama ilisimatitsivoq.

Unioqqutitsilluni aalisarneq 2012-imi pivoq, GPS-imit paasissutissat kilisaatillu inissisimaffiata umiarsuup logbogianut nalunaarsorneqarsimasoq imminnut naapertuussimanngillat, taamaattumillu oqartussat pasitsaassaqarlutik pisoq misissuiffigilersimallugu.

Unnerluussisussaatitaasut Royal Greenlandillu eqqartuussutip ingernera suliareqqitassanngortippaat.