Royal Greenland Tuluit Nunaannut nassiussuisalissaaq
Royal Greenland Tuluit Nunaanni tuniniaasartutut sullissisut ilaannut aningaasanillu kaaviaartitsisut annerpaajusut ilaannut, Asda-mik taaguutilimmut, isumaqatigiissuteqarpoq, isumaqatigiissuteqarnerlu tamanna suliffeqarfissuarmut iluanaaruteqartitsiartuaarsinnaasoq, pisortaaneq Flemming Knudsen oqarpoq.
Allattoq Louise M. Kleemann
juunip 05-at 2008 06:40
Royal Greenlandip Polenimi tunisassiorfittaani nutaaq ippassaq ammarpaa.
Tunisassiorfiup aalisakkanik assigisaanillu tunisassiai Skandinaviami Europallu kippasissortaani tuniniarneqartassapput.
Taamatuttaaq Royal Greenlandip nunat Europap kangisissortaaniittut aamma ukkukkusuppai. Maannamiillu Koszalinimi tunisassiorfittaap tunisassiat 10-15 procentii Polenip iluani tuniniartassavai, sinnerilu tassa avammut assartorneqartassasut, aviisip Sermitsiap allaaseraa.
Royal Greenlandip aningaasat tassunga atugassat 200 mio. koruunit aningaasaliissutigai. Suliffeqarfissuullu pisortaata tamanna tunngavigalugu miliuunerpaalunnik amigartooruteqarnissartik naatsorsuutigigaluarlugu, taamaattoq isumalluarnini unnerpaa.
