Corona virusip tuniluunnera peqqutigalugu Royal Greenlandimi sulisut Kinameersut, Kinamut ukiortaarsioriartoreernerminni suliartoqqissanngikkallarput. Royal Greenlandimi sulisoqarnermi immikkoortortaqarfimmi tullersortaa, Søren Damgaard Olsen oqarpoq.Assi: Inga Egede/Royal Greenland

Royal Greenland sulisunut: Kinamiiginnaritsi

Kinamiut nunaminni ukiortaarsioriartoreerlutik nunatsinnut uteqqinnissaat suleqataannit toqqissisimaffigineqanngitsoq, sulisoqarnermi immikkoortortaqarfimmi tullersortaa oqarpoq.

Corona virusip tuniluunnera peqqutigalugu Royal Greenlandimi sulisut Kinameersut, Kinamut ukiortaarsioriartoreernerminni suliartoqqissanngikkallarput. Royal Greenlandimi sulisoqarnermi immikkoortortaqarfimmi tullersortaa, Søren Damgaard Olsen oqarpoq.

Coronavirusi
- Coronavirusimik tunillatsissimasumik siumueqqaarneq siorna decembarip ulluisa arfineq-pingajuanni pivoq.

- Nualluut coronavirusi inunnit Kinami illoqarfiit ilaanni Wuhanimi aalisagaarniarfimmiissimasunit - coronavirusillu siaruaaffianiigunarsimasunit - tuniluutilerpoq.

- WHO-p coronavirusi nunarsuarmi peqqinnissakkut ajornartoorfiusutut 2020-mi januaarip ulluisa 30-anni nalunaarutigaa.

- Coronavirusi inummiit inummut attaveqarnikkut tuniluuttartoq nappaammut SARS-imut assersuunneqarpoq.

- Inuit coronavirusimik tunillatsissimasutut nalunaarsukkat 81.000-ngajaapput.

- Coronavirusip Kinami tuniluunnerata saniatigut nunanut allanut 33-nut ilaatigut Sverigemut siaruaassimasutut nalunaarsorneqarpoq.

Paasissutissanik pissarsiffik: Statens Serum Institut, Det Europæiske Center for Sygdomsforebyggelse og -kontrol, DR, WHO

- Taqqavaniiginnassasut massakkut aalajangerpugut. Tassa nunatsinnut uteqqissanngitsut Royal Greenlandimut suliartorlutik.

Tassalu Royal Greenlandimi sulisut qulingiluat suliunnaarsinneqartut taanna ilisimatitsivoq.

AAMMA ATUARUK Coronavirusip Royal Greenlandimi sulisut apuutsinnaveerai

Kinamiut pineqartut ukiuni arlaqartuni Royal Greenlandip tunisassiorfiani sulisuupput. Taakkunannga marluk Maniitsumi, Ilulissanilu arfineq-marluk tunisassiorfinni sulisuupput.

Sulisut allat eqqarsaatigalugit aalajangiisoqarpoq

Royal Greenlandip sulisui Kinameersut, Kinamut ukiortaarsioriartoreerlutik nunatsinnut februaarip aallartisimatsiarnerani suleqqilereertussaagaluarput.

SAS-illi Kinamiit Kinamullu timmisartuusinissani februaarip ulluisa 29-ata tungaanut unitsikkallarmagit Kinamiut nunatsinnut tikinneq ajulerput.

Timmisartuussinissalli allarteqqikkaluarpata Kinamiut nunatsinnut uternavianngitsut Royal Greenlandimit aalajangiunneqarpoq.

AAMMA ATUARUK Nakorsaaneq mittarfimmi pisoq pillugu: Nunatsinni corona-virusertoqanngilaq

Tamanna sulisut nappaammut tuniluuttumut ernumassuteqarnerannik peqquteqartoq Søren Damgaard Olsen ilisimatitsivoq:

- Ilaatigut sulisutta akornanni toqqissisimannginneq peqqutaavoq. Malugigatsigu utissagaluarpata tamanna toqqissisimaffigineqarnavianngitsoq.

- Isumaqarpunga taamatut ajunngitsumik iliortugut. Aqutsisut amerlasuut, Royal Greenlandimi driftchefit, produktionsdirektørit, fabrikscheffit allallu arlaleriarluta ataatsimeeqatigivagut.

Søren Damgaard Olsen taama oqarpoq.

Suliartortinneqaqqissinnaasut

Sulisut Kinameersut qulingiluaasut, marluk Maniitsumi tunisassiorfimmi sulisut Ilulissanilu arfineq-marluk tunisassiorfimmi sulisuullutik.

Taakkuli siunissami nunatsinnut suliartoqqissinnaanerat mattunneqanngitsoq sulisoqarnermi immikkoortortaqarfimmi tullersorti oqarpoq.

Tassami corona virus nappaalatitsiunnaassaagaluarpaat nunatsinnut suliartoqqissinnaassasut nerirsorsimavaat.

Royal Greenlandip tunisassiorfiini sulisut qulingiluat amigaatigineqalersut nunatsinneersunik taarserneqarnissaat maanna tullinnguuttoq RG ilisimatitsivoq.

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat