Royal Greenland soraarsitsiortussaaq

Royal Greenlandip Ilulissani aalisakkanik suliffissuaanni nutarterinerup kingorna, sulisut 20-t missaaniittut soraarsinneqareerput. Maanna aamma tamanna Sisimiuni pissaaq.

Soraarsitsineq nutarterinermik peqquteqartoq, Royal Greenlandip pisortaanit Flemming Knudsenimit oqaatigineqarpoq.

Soraarsitsinissaq pillugu Qeqqata Kommunea oqaloqatigineqareersimavoq, aamma Sisimiuni Royal Greenlandimi sulisut oqaloqatigereersimallutik.

- Royal Greenland Sisimiuniittoq maanna nutarterneqarpoq, naatsorsuutigaarpullu marsip ingerlanerani suliffeqarfik ammaqqissasoq, Flemming Knudsen oqarpoq.

Royal Greenland Ilulissaniittoq, sulisunik 20-nik soraarsitsinikuuvoq, taamaammat Flemming Knudsen aperaarput inuit qasserpiaat Sisimiuni soraarsinneqassanersut.

- Qasserpiaat soraarsitaassanersut naluara, eqqaamasarali malillugu, Ilulissanit soraarsinneqarimasunit 20-t missaaniittunit amerlanerussasut naatsorsuutigaarput, Flemming Knudsen oqarpoq.

Royal Greenlandip ukiumut 2009-2010-imut missingersuutaani erserpoq, aningaasanik 43 millioni koruuninik amigartoortoqarsimasoq.