Royal Greenland soqutigineqaqisoq
Royal Greenland Europami aningaasaateqarfissuarnit soqutigineqaqaaq.
Danmarkimi aviisi ullormut saqqummersartoq, Berlingske Tidende malissagaanni, taava aningaasasateqarfissuit arlallit Royal Greenlandimik piginneqataarusullutik nalunaarsimapput.
- Royal Greenlandip Kalaallit Nunaata avataani suliffeqarfiutai annerusumik soqutigineqarput, soorlu Danmarkimi, Tysklandimi kiisalu Polenimi suliffeqarfigut, Royal Greenlandip pisortaanera Keld Askær oqarpoq.
Aningaasaliisut nunanit allaneersut ammaassiffigineqarsinnaanissaat Namminersornerullutik Oqartussat sinnerlugit, naalakkersuisut piareersimaffigigaat, nalunaarutigineqarpoq, Keld Askærilli oqaatigaa aningaasaliiumasinnaasunik isumaqatiginninniartoqanngitsoq.
Royal Greenlandimi siulersuisut siulittaasuat, Pâviâraq Heilmann, oqarpoq periarfissat tamaasa ammatikkitsik.
- Royal Greenland aningaasaliisussarsissagaluaruni, aningaasat pisiortornissamut atorneqassapput, suliffeqarfik annerulersinnaaniassammat, Pâviâraq Heilmann Berlingske Tidende-mut oqarpoq.
Royal Greenlandimit aningaasat kaaviaartitat 65 procentii nunatta avataaneeersuupput, ukiumut kaaviaartitat 4,5 milliard koruunit missaaniillutik.
Suliffeqarfissuaq Danmarkimi, Norgemi, Tysklandimi kiisalu Polenimi fabrikkeqarpoq, Europamilu, USA-milu Japanimilu katillugit aqqaneq-marlunnik allaffeqarfeqarluni.
