Royal Greenland sinneqartoorpoq!
decembarip 20-at 2005 07:38
Royal Greenland ukioq naatsorsuiffik kingulleq malillugu 130 millioni koruuninik sinneqartooruteqarpoq. Sinneqartoorutit siorna 129 millioni koruuniupput, kisitsisilli qiviassagaanni nioqqutissanik tunisaqartarnerup annertuseriarsimanera eqqarsaatigisariaqarpoq. Taama allappoq Sermitsiaq gl.
Kalaallit Nunaanni suliffeqarfiit annersaat 4,6 milliardi koruunit missaasa nalinginut tunisaqarsimavoq. Kisitsisit siornamut naleqqiullugit 700 millioni koruuninik amerleriarsimallutik.
Sermitsiap Royal Greenlandip aqutsisuinut erseqqissaatigaa, suliffeqarfik suli pisariillisaavigineqassasoq isertitallu pisariallit qulakkeerneqassappata aningaasartuutit annikillisinneqartariaqassasut.
