Nunarsuarmi raajat akii apparaluttuinnaraluartut Royal Greenland aatsaat taamak amerlatigisunik aningaasanik kaaviiaartitaqalersoq, aviisi Børsen allappoq.
Suliffeqarfissuaq nunarsuarmi raajanik tunisassiornermi annerpaatut inissisimasoq, 4 milliardi koruuninik kaaviiaartitaqalersimavoq, 350 millioni koruunit amerleriaataallutik.
Royal Greenland-illu oqaluttuarisaanerani aatsaat taamak amerlatigisunik aningaasanik kaaviiaartitaqalerpoq.
Royal Greenland-ip pisortaanerata Kjeld Askjær-ip politikerinit isigineqarnera taamaalilluni pitsanngoriassasoq ilimagineqarpoq, piffissami qaangiuttumi suliffeqarfissuaq tusagassiutitigut eqqartorneqangaatiarsimammat.
Oqallinnermi kukkuluttortut amerlasimapput, tamannalu suliffeqarfissuarmut sunniuteqarpallaarsimanngilaq. Angusammi pitsanngoriarput, naak raajat akii appariaraluartut, Kjeld Askjær aviisimut børsen-imut oqarpoq.
Namminersortunngorsaanermilu suliniutit ingerlaanassasut pisortaanerup aamma oqaatigaa.
Tamanna pinngittoorneqarsinnaanavianngilaq, pisariaqassallunilu aalisakkanik tunisassiorneq eqqarsaatigalugu Kjeld Askjær aviisimut børsen-imut oqarpoq.